Forskar Anna Milford har i to artiklar funne ut meir om marknadssituasjonen for norskprodusert økologisk frukt og bær i Noreg.
I den ferskaste artikkelen er det spurd etter kor den økologiske frukta og dei økologiske bæra tek vegen. Og ikkje minst kor mykje vert produsert? Det finst i dag berre arealtal og ikkje volumtal i offentleg innsamling av statistikk for norskprodusert økologisk frukt og bær. Dette volumtalet har ein prøvd å få tak i gjennom arbeidet med utgreiinga. Les meir her... Utgreiinga er støtta av prosjektet Økologisk frukt i vekst (NLF-SF) og Føregangsfylke økologisk frukt og bær.
Hausten 2011 gjennomførde NILF ein preferansestudie på om forbrukarane hadde preferansar på korleis økologiske eple vart pakka eller merka i butikk. Økologiske eple i lausvekt selde 35 % meir enn pakka eple med tilnærma lik pris, og det var mindre svinn på eple i lausvekt enn dei ferdigpakka. Les meir her... Denne utgreiinga vart støtta av Norsk økologisk frukt til forbrukar (GH/Biforsk).
Hordaland og Sogn og Fjordane
15% produksjon og omsetnad av økologisk frukt og bær innan 2020! Dette er eit nasjonalt mål og regjeringa ynskjer å oppmuntra satsinga gjennom gode eksempel frå føregangsfylker. I 2010 vart dei to tradisjonelle frukt-og bær fylka, Sogn og Fjordane og Hordaland, føregangsfylke for økologsisk frukt og bær. Prosjektet skal spreie erfaringar og informasjon om produksjon og omsetnad av økologisk frukt og bær, i heile landet. Denne bloggen er ein av informasjonskanalane prosjektet vil nytte. Skriv gjerne eit svar på innlegga eller send ein e-post om du har spørsmål: froydis.linden@fylkesmannen.no
STYRINGSGRUPPA
Medlemmane av styringsgruppa er: Åse Vaag (FMHO, leiar), Torbjørn Takle (FMSF), Jan Ove Nes (LR), Lars J. Naa (GH), Jon Asbjørn Målsnes (Bondelaget), Øyvind Dagestad (BAMA), Frøydis Lindén (prosjektleiar), Gunnhild Jaastad (prosjektmedarbeidar)
Ingen kommentarer:
Legg inn en kommentar